«Kúrti - Býrylbaıtal» ýchaskesiniń qurylysynda únemdi tehnologııa paıdanylmaq

ASTANA. QazAqparat - Aǵymdaǵy jyldyń aıaǵyna deıin «Kúrti - Býrylbaıtal» ýchaskesiniń 45 shaqyrymyndaǵy qurylys boıynsha jobalyq-smetalyq qujat ázirlenedi. Jobany iske asyrý barysynda Qazaqstanda alǵash ret jyly asfalt-beton qospalaryn paıdalaný qurylys tehnologııasy qoldanady.

«Atalǵan jol «Ortalyq - Ońtústik» jol baǵytyn damytý aıasynda salynady. Ýchaskedegi qurylys jumystaryn 2014 jylǵy qyrkúıeginde bastap, 2016 jyly aıaqtaý kózdelgen», - delingen QR KKM málimetinde.

«Kúrti - Býrylbaıtal» ýchaskesi Qazaqstan Respýblıkasynda alǵashqy ret jyly asfalt-beton qospalaryn paıdalaný qurylys tehnologııasyn qoldanýdaǵy bastama bolyp sanalady. Bul tehnologııa ádettegideı ystyq qospalarǵa uqsas jyly asfalt-beton qospalaryn alýǵa múmkindik beredi. Aıyrmashylyǵy - energııa shyǵyny 25 paıyzǵa, al jol qurylysyna jumsalatyn shyǵyn 5 paıyzǵa qysqartylady. Sonymen qatar, bul tehnologııany qoldaný aýaǵa túsetin zııandy tútin men gazdyń mólsherlerin azaıtady, ol óz kezeginde eńbek jaǵdaıyn jaqsartady.

Bul Qazaqstandaǵy jol qurylysynda qoldanylyp jatqan bir ǵana jańa tehnologııa emes ekendigin atap ótken lázim. 2013 jyly elimizde qara shaǵyltaspen óndelgen jamylǵy tehnologııasyn almastyratyn jáne joldyń jóndeý aralyǵyn 2-3 jylǵa ulǵaıtatyn «Mıkrosıýrfeısıng» jol jamylǵysyn qoldaný boıynsha synaq jumystary júrgizildi. Sonymen qatar, monolıtti temir-beton kópirlerdi salý qurylystary boıynsha synaq jumystary da ótkizildi, olar, óz kezeginde, qurylys qunyn 30 paıyzǵa arzandatady.

Jalpy, búgingi tańda «QazjolǴZI» AQ ınnovatsııalyq materıaldar men tehnologııalaryn paıdalanýymen 40 synaq ýchaskeleriniń monıtorıngi júrgizilýde. Zertteýler nátıjesinde olardy qurylys barysynda qoldaný múmkindigi qarastyrylatyn bolady.