Kúrt tómendegen munaı baǵasy qaıta kóterilip keledi

ASTANA. QazAqparat - Munaıǵa álemdik baǵa munaı óndirýge tıisti kvotany saqtaý boıynsha OPEK sheshimi negizinde túskennen keıin qaıta joǵary kóterilýde, dep habarlady RIA Novostı.

Máskeý ýaqyty boıynsha 07.38-degi jaǵdaı boıynsha soltústikteńizdik Brent markaly munaı qospasyna qańtarlyq fıýchers quny 1,56 paıyzǵa - barreline 40,9 dollarǵa deıin artty. Bul rette seısenbide ol 2009 jylǵy 18 aqpannan beri alǵash ret barreline 40 dollardan tómen deńgeıge tústi. WTI markaly munaıǵa qańtarlyq fıýchers baǵasy 2,04 paıyzǵa - barreline 38,28 dollarǵa deıin ósti. Juma kúni Venadaǵy kezdesýde OPEK kúnine 30 mln barreldi quraıtyn munaı óndirýge kvotany ózgertý boıynsha sheshim qabyldaǵan joq. Bul rette kvotany 1,5 mıllıon barrelge arttyratyn naqty óndirý deńgeıin saqtaýdy sheshti. Kvota 2011 jyldan bastap kúnine resmı 30 mıllıon barreldi quraıdy. Alaıda OPEK ony turaqty kóterip keledi.