Kýrsk shaıqasynyń qatysýshysy S.Boranqulov kórsetilip jatqan qurmet úshin alǵys bildirdi

ALMATY. QazAqparat - Uly Otan soǵysynyń ardageri, otstavkadaǵy polkovnık, tank júrgizýshisi, Kýrsk shaıqasynyń maıdangeri Seıtqasym Boranqulov kórsetip jatqan qurmeti úshin Memleket basshysy Nursultan Nazarbaevqa alǵys bildirdi.

«Men Elbasyǵa ardagerlerdi umytpaı qurmet kórsetip, jańa jylmen quttyqtap jatqanyna úlken rızalyǵymdy bildirgim keledi. Biz úlken qýanyshqa keneldik. Memleket basshysynyń bul bastamasy jas býynnyń patrıottyq sezimin arttyryp, tarıhı sanasynyń tereńdeı túsýine yqpal etpek», - dedi ol QazAqparat tilshisimen tildese otyryp.

Ol sondaı-aq, kúrdeli ekonomıkalyq ahýal jaǵdaıynda mundaı qoldaýdyń ardagerler úshin mańyzy úlken ekendigin aıtyp ótti.

Seıitqasym Boranqulov Prezıdent Nursultan Nazarbaevtyń kóregendiginiń arqasynda bul kúrdeli synnan da súrinbeı ótip, Jeńistiń 70 jyldyǵyn dúrkiretip toılaıtynymyzǵa senim bildirdi.