Kúrshimdik eriktiler jalǵyzbasty qarttarǵa kómir alyp berdi – ShQO

ÓSKEMEN. QazAqparat – Shyǵys Qazaqstan oblysy Kúrshim aýdany Qaljyr aýylynyń eriktileri jalǵyzbasty qarttarǵa kómir alyp bergen, dep habarlaıdy QazAqparat.

Búginde Kúrshim aýdany boıynsha 12 eriktiler toby bar. Bıylǵy Volonter jylynda olar talaı ıgi sharalardy qolǵa almaq. Bul jaıly aýdan ákimi apparatynyń basshysy Asan Ábilmájinov aıtyp berdi.

«Qańtar-aqpan aılary aralyǵynda «Ardagerlerdi ardaqtaıyq» jobasy aıasynda eriktiler barlyq aýyldyq okrýgterde qazynaly qarttarymyzdyń esikteriniń aldyndaǵy qardy kúrep berdi. Jýyqta Qaljyr aýylynda volonterler óz qarajattaryna kómir alyp, jalǵyzbasty zeınetkerlerdiń aýlasyna kirgizip berdi. 28 aqpan kúni aýdan jastarynyń uıymdastyrýymen qaıyrymdylyq kontserti ótip, túsken qarajat az qamtylǵan otbasylarǵa kómek retinde beriledi», - deıdi ol.