Kúrshimdegi «Qyzyl tý» muz ótkeli jabyldy
ÓSKEMEN. QazAqparat - Kúrshim aýdanyndaǵy Qyzyl tý muz ótkeli barlyq kólik túrleri úshin jabyldy, dep habarlaıdy QazAqparat tilshisi.
Shyǵys Qazaqstan oblysynyń tótenshe jaǵdaılar departamenti 18-19 naýryz kúnderi aýa raıy kúrt jylynyp, taýly ólkelerde qarǵyn sý júrýi múmkin ekenin eskertti.
«Kúnniń kúrt jylyný saldarynan jańbyr jaýyp, onyń saldary taýlardan qarǵyn sý júrýine ákep soqtyrýy múmkin» - delingen habarlamada.
Al Quıǵan aýyldyq okrýginiń ókimimen Kúrshim aýdanyndaǵy «Qyzyl tý» muz ótkeli búginnen bastap barlyq kólikter úshin jabyq. Mamandar Buqtyrma sý qoımasynyń betindegi muzdyń juqarǵanyn anyqtaǵan.
www.kp.ru saıttan alynǵan ıllıýstratsııalyq fotosýret
