Kúrshim aýdanynda Abaıdyń eńseli eskertkishi boı kóterdi – ShQO

ÓSKEMEN. QazAqparat – Shyǵys Qazaqstan oblysy Kúrshim aýdanynda Abaıdyń eńseli eskertkishi boı kóterdi, dep habarlaıdy QazAqparat tilshisi.

Kúrshim aýylynda uly aqynnyń 175 jyldyǵyna oraı «Abaı alańy» saltanatty túrde ashyldy.

Alańnyń jan-jaǵyna jaryq shamdary ornatylyp, tórinde uly aqynnyń músini boı kóterdi. Qoladan quıylǵan Abaı eskertkishiniń jalpy bıiktigi – 6 metr.

Alańnyń kórkin ashyp turǵan – mýzykalyq sýburqaq. Sýburqaqtyń eni - 10 metr, uzyndyǵy - 20 metr. Keshki ýaqytta túrli túske boıalatyn zamanaýı sýburqaq áýenniń yrǵaǵyna saı 15-20 metrge deıin kóteriledi.

«Aýdan ortalyǵynda boı kótergen «Abaı alańy» jergilikti turǵyndar úshin zor qýanyshqa aınalaryna senimdimin», - deıdi Kúrshim aýdanynyń ákimi Dýlat Qajanov.