Kúrshad Zorlý: Qazaqstan – Orta dálizdiń sheshýshi núktesi
ASTANA. KAZINFORM – Qazaqstan men Túrkııa arasyndaǵy qarym-qatynas eki el men túrki dúnıesiniń ǵana emes, búkil Eýrazııanyń bolashaǵyn aıqyndaıtyn zor áleýetke ıe. Bul týraly Túrkııanyń Ádilet jáne damý partııasy Bas tóraǵasynyń orynbasary Kúrshad Zorlý Qazaq-túrik bıznes qaýymdastyǵy arnaıy forýmynda aıtty.
Forým barysynda sarapshylar men saıasatkerler eki eldiń tranzıttik áleýetin biriktirý máselesin talqylady.
Túrkııalyq saıasatker Orta dálizdiń ómirsheńdigi osy eki memlekettiń tyǵyz baılanysyna tikeleı táýeldi ekenin jetkizdi.
– Qazaqstan Orta dálizdiń Azııadaǵy eń sheshýshi tranzıttik núktesinde ornalassa, Túrkııa – osy dáliz arqyly Eýropaǵa ashylatyn jalǵyz qaqpa. Sol sebepti Qazaqstan men Túrkııa baılanysy nyǵaıǵan saıyn Orta dálizdiń de tynysy ashylyp, bul búkil Eýrazııanyń saýda-logıstıkalyq júıesi men ekonomıkasyna aıtarlyqtaı yqpal etedi, - dep túıindedi ol.
Eske sala keteıik, búgin Memleket basshysy Túrkııa prezıdentimen kezdesýdiń qorytyndysy boıynsha baspasóz konferentsııasyn ótkizgen bolatyn.
Sonymen qatar túrkııalyq sarapshy bilim berý júıesinde tsıfrlyq transformatsııa qandaı múmkindikterge jol ashatyny jónindegi kózqaras-tujyrymymen bólisken edi.
