Kúrish alqabyn múldem qysqartýǵa bolmaıdy — Qyzylorda oblysynyń ákimi

Kúrish alaqaby qysqarmaıdy. Bul týraly «Jibek Joly» telearnasynyń «Ýáde» baǵdarlamasyna suhbat bergen Qyzylorda oblysynyń ákimi Nurlybek Nálibaev aıtty, dep habarlaıdy Kazinform.

«Qazirgi tańda sý shynymen de úlken problemaǵa aınalyp tur. Óńirimizde 193 myń gektardaı egistik egiledi. Onyń 46 paıyzy, ıaǵnı 89 myń gektary eń negizgi daqylymyz — kúrish. Ol sýdy shynynda da kóp qajet etedi. Qazirgi ýaqytta sýdy az qajet etetin daqyldardy egýge basymdyq berip jatyrmyz. Biraq, kúrish alaqabyn qysqartpaımyz. Biz Qazaqstandy kúrishpen tolyq qamtamasyz etip, Ózbekstan, Tájikstan syndy shet elderge de eksportqa shyǵaryp otyrmyz. Taıadýa Memleket basshysy kelgen kezde „Altyn orda“ kúrish zaýytynda boldy. Sol zaýyttyń egesi kúrishti Amerıkaǵa da eksporttap jatqanyn aıtty. Shyn mánisinde solaı. Óıtkeni, kúrishke suranys joǵary, baǵasy da jaqsy», — dedi óńir basshysy. 

Onyń atap ótýinshe, halyqqa kúrish baǵasynyń arzan bolǵany jaqsy. Biraq, kúrishtiń beıneti kóp. Sharýalar kúnge kúıip, ala jazdaı jumys isteıdi. Sondyqtan baǵanyń kóterilgeni durys. Baǵa kóterilgen kezde sharýalar qaryzdarynan qutylyp, tehnıkalalaryn jańartýǵa múmkindik alady. 

«Kúrish alqabyn múldem qysqartýǵa bolmaıdy. Óıtkeni, bizdiń óńir kúrish ósirýge burynnan beıimdelgen. Jerimizdiń qunarlyǵy basqa óńirlerge qaraǵanda tómen. Basqa daqyldardyń ónimi az bolady. Buǵan deıin basqa da daqyldar ósirip kórgen. Shynymen óte qıyn. Degenmen, soǵan qaramastan egistik alqaptaryn ártaraptandyrý úshin sýdy az qajetsinetin daqyldar alqabynyń kólemin ulǵaıtyp jatyrmyz», — dedi Nurlybek Nálibaev.