Kýrsant N. Nurbaev Áskerı ınstıtýt tarıhynda tuńǵysh ret túngi ushýlardy júzege asyrdy

ASTANA. QazAqparat - QR QM Áýe qorǵanysy kúshteri Áskerı ınstıtýtynyń bitirýshi kýrsanttary ushý tájirıbesin sátti aıaqtady, dep habarlady Qorǵanys mınıstrliginiń baspasóz qyzmetinen.

Olardyń arasynda bolashaq ushqysh-ofıtser Nurjan Nurbaev L-39 oqý-jattyǵý reaktıvti ushaǵymen ózdiginen túngi ushýlar jasady. Ol Áskerı ınstıtýt tarıhynda tuńǵysh ret túngi ushýlardy júzege asyrǵan kýrsant bolýymen erekshelenip otyr.

Túngi ushýlar úshin arnaıy teorııalyq oqý baǵdarlamasy, trenajdyq jáne moraldi-psıhologııalyq daıyndyq qajet. Túngi ushýlardyń ereksheligi kýrsanttardan joǵary tártipti, bilim men mashyqty talap etedi.

QR QK Áýe qorǵanysy kúshteriniń bas qolbasshysy avıatsııa general-maıory Nurlan Ormanbetov bitirýshi kýrs kýrsanttaryn ushý tájirıbesin sátti aıaqtaýlarymen quttyqtap, olarǵa Qazaqstan Respýblıkasy Qarýly Kúshteriniń sapynda tabysty qyzmet tiledi.