Qursaǵyna geroın qundaqtaǵan áıel ustaldy
ASTANA. 13 aqpan. QazAqparat - Almaty-Bishkek tas jolyndaǵy «Aıan» beketinde qursaǵyna 100 gramnan astam geroın qundaqtaǵan áıel ustaldy, dep habarlady QR ІІM baspasóz qyzmetinen.
«ІІM esirtkige qarsy kúres komıteti men Almaty qalalyq esirtkige qarsy kúres basqarmasy birlesip ótkizgen keshendi jedel-izdestirý sharalarynyń barysynda Almaty-Bishkek tas jolyndaǵy «Aıan» beketinde buryn urlyq qylmysy úshin sotty bolǵan, «Aýdı-80» markaly avtokóliginiń jolaýshysy Almaty qalasynyń turǵyny 47 jastaǵy áıel qolǵa tústi. Gınekolog dárigerdiń kómegimen jasalǵan tekseris barysynda odan 109,5 gramm geroın tabylyp, tárkilendi. Atalǵan fakti boıynsha qylmystyq is qozǵaldy. Ustalǵan azamatsha ýaqytsha oqshaýlaý abaqtysyna qamaldy», - delingen vedomstvo aqparatynda.
Qazirgi tańda esirtki zattaryn tasymaldaýdy uıymdastyrýǵa qatysy bar basqa da azamattardy anyqtaý baǵytyndaǵy keshendi jedel-izdestirý is-sharalary júrgizilýde.
Sondaı-aq, Almaty qalalyq esirtkige qarsy kúres basqarmasynyń qyzmetkerleri qala kósheleriniń birinde Jambyl oblysy Shý aýdanynyń 27 jasar turǵynyn tintý barysynda odan 245 gramm gashısh esirtkisin taýyp, tárkiledi.
