Kýrorttyq aımaqtarǵa áýe qatynasyn jıiletý kerek – Roman Sklıar

ASTANA. KAZINFORM – QR Premer-Mınıstriniń birinshi orynbasary Roman Sklıar ishki týrızmdi damytýdaǵy basty máselelerdi atady. 

«Týrıstik aımaqtarda ınternet pen baılanys ornatý, avtojoldardy jańartý, vızasyz qarym-qatynas, kóshi-qon rejımin jaqsartý jáne týrıster úshin qolaıly saıahatty qamtamasyz etý mańyzdy. Sonymen qatar Qazaqstannyń kýrorttyq aımaqtaryna áýe saparlarynyń jıiligin arttyrý basty máselelerdiń biri. Quzyrly memlekettik organdarǵa Úkimette ótken keńesterdiń qorytyndysy boıynsha tıisti tapsyrmalar berildi. Jumysty belgilengen merzimde aıaqtaýdy suraımyn», - dedi Roman Sklıar elordada ótken Týrızm jáne sport mınıstrliginiń keńeıtilgen alqa otyrysynda.

Odan bólek, Úkimet basshysynyń birinshi orynbasary týrıstik obektilerde sapaly qyzmetpen qamtamasyz etýdi tapsyrdy.