«Qurmetti Senator» mártebesin alǵan Elbasy asa mańyzdy talqylaýlarǵa qatysady

NUR-SULTAN. QazAqparat - «Qurmetti Senator» mártebesine ıe Elbasy Nursultan Nazarbaev Senat otyrystaryna qatysyp, mańyzdy máselelerde óz pikirlerin aıtady. Bul týraly Parlament Senatynyń spıkeri Darıǵa Nazarbaeva málim etti, dep habarlaıdy QazAqparat tilshisi.

«Shaqyrýymyzdy qabyl alyp, otyrysymyzǵa qatysyp, Prezıdent Qasym-Jomart Toqaevtyń usynysy boıynsha Senat bekitken «Qurmetti Senator» mártebesin qabyl alǵanyńyz úshin shynaıy rızashylyǵymyzdy bildiremiz. Siz árqashan Senatqa kelip, Bıýro, komıtet jáne palata otyrystaryna qatysyp, asa mańyzdy máseleler boıynsha ózińizdiń kózqarasyńyzben, kóregen parasatty oı-pikirlerińizben bólise alasyz. Bul múmkinshilik senatorlar úshin úlken mártebe, sonymen qatar zor jaýapkershilik júkteıdi», - dedi Darıǵa Nazarbaeva Senatta ótken saltanatty sharada.

Budan buryn habarlanǵandaı, Budan buryn habarlanǵandaı, búgin QR Parlamenti Senatynda Tuńǵysh Prezıdent-Elbasy Nursultan Nazarbaevqa «Qurmetti Senator» tósbelgisi men kýáligi tabystaldy.

Elbasy Nursultan Nazarbaev Parlament Senatynyń depýtattarymen aqyldasýǵa jıi kelip turatynyn aıtty.