Qurmetov azýly qarsylasy Safıýllındi san soqtyrdy
ASTANA. QazAqparat - Búgin Pavlodarda ótip jatqan bokstan el chempıonatynda 60 kelide Qazaqstan chempıony anyqtaldy, dep habarlaıdy QazAqparat.
Bul salmaq sanatynyń fınaldyq kezdesýinde ońtústikqazaqstandyq Zakır Safıýllın men shyǵysqazaqstandyq Ádilet Qurmetov aıqasty. Jekpe-jek qorytyndysynda Qurmetov qarsylasynan basym túsip, Qazaqstan chempıony ataǵyn jeńip aldy.
Aıta keteıik, buǵan deıin 49 kelide Temirtas Júsipov, 52 kelide Azamat Isaqulov jáne 56 kelide Qaırat Eralıev chempıondyq ataqqa qol jetkizgen bolatyn.
«2010 jyly Atyraý qalasynda ótken el chempıonatynda 52 keli salmaq sanatynda chempıon atanǵan edim. Endi mine Pavlodar qalasynda 60 keli salmaq sanatynda jeńiske jettim. Óte qıyn boldy, daıyndaldyq. Osy rette Shyǵys Qazaqstan oblystyq sport basqarmasyna oqý-jattyǵý jıyndaryna jiberip, shyńdalýyma kómek qolyn sozǵandary úshin rahmetimdi aıtamyn. Bapkerler jınaqy, qoldy joǵary ustap judyryqtas dedi. Osy nusqaýdy oryndap, jeńiske jetip otyrmyn», - deıdi Qazaqstan chempıony Qurmetov.
Foto: vesti.kz
