Qurmanov: ІnDriver, Uber qyzmetteri tapsyrysty tek resmı taksı kompanııalaryna berýi tıis
ASTANA. QazAqparat - ІnDriver, Uber qyzmetteri tapsyrysty tek resmı taksı kompanııalaryna berýi tıis. Bul týraly búgin Astana qalalyq kásipkerlerdi qorǵaý keńesiniń 17-shi otyrysy aıasynda tilshilerge suhbat bergen Astana qalalyq tasymaldaýshylar qaýymdastyǵynyń tóraǵasy Medet Qurmanov aıtty.
«Búginde resmı taksı kompanııalary óte qıyn jaǵdaıdy bastan keshirýde. Olardyń biraq óz qyzmetterin doǵarýǵa nemese «kóleńkege» ketýge májbúr», - dedi ol.
Osy rette M.Qurmanov jolaýshylardy resmı tasymaldaý qyzmetine birqatar jaıttyń kedergi bolyp otyrǵandyǵyn basa aıtty. «Biz Tasymaldaýshylar qaýymdastyǵy retinde 17 taksı kompanııasynyń múddesin qorǵaımyz. Onyń 8-i zańdy, elordanyń resmı organdaryna tirkelgen. Al qalǵan 10-y túrli sebeptermen tirkelgisi kelmeıdi. Biraq, olar tasymaldaýdyń barlyq talaptaryna saı. Eger resmı tasymaldaýshylar men zańsyz naryqty salystyrar bolsaq, resmı tasymaldaý 16 paıyz bolsa, qalǵan shamamen 84 paıyzyn kóleńkeli sektor quraıdy», - dedi qaýymdastyq basshysy.
Onyń sózine qaraǵanda, resmı tasymaldaýshy mártebesin alǵanmen ol zańsyz tasymaldaýshylarǵa qaraǵanda qandaı da bir ústemdik bermeıdi. Sondyqtan da qaýymdastyq taksı qyzmeti naryǵyn ilgeriletý úshin birneshe usynys ta ázirlegen.
«Birinshiden, ınfraqurylymdy jaqsartý qajet. ıAǵnı, qalada taksı turaqtarynyń jetkilikti mólsheri joq. Búginde resmı 37 taksı turaǵy bar bolǵanymen ol azdyq etedi. Shamamen 300-350 turaq qajet. Ózderińiz de kórip júrgendeı, kóptegen adamdar kóshege shyǵyp taksı toqtatýǵa tyrysady. Bul durys emes», - dedi M.Qurmanov.
Sonymen qatar ol resmı taksı qyzmetiniń damýyna zańnamanyń jetildirilmegendigi de sebep bolyp otyrǵandyǵyn atap ótti.
«Búginde inDriver, Uber syndy dıspetcherlik qyzmetter paıda boldy. Zańǵa sáıkes olardyń eshqandaı mártebesi joq, jazylmaǵan. Alaıda olar dıspetcherlik qyzmetterdi atqarady. Demek olar óz qyzmetterin zańsyz usynýda. Olardy reglamentteý qajet jáne zań buzǵandary úshin jaýapkershilik qarastyrǵan jón. ıAǵnı, olar tapsyrysty tek resmı tasymaldaýshylarǵa berýi qajet. Búginde mundaı dıspetcherlik qyzmetter qaladaǵy tapsyrystardyń shamamen 60 paıyzyna qyzmet kórsetedi», - dedi ol.
