Qurmanǵazynyń 200 jyldyq mereıtoıy atalyp ótýde
ALMATY. QazAqparat - Almatyda Qurmanǵazy atyndaǵy Qazaq memlekettik akademııalyq halyq aspaptar orkestri kúıshi Qurmanǵazynyń 200 jyldyq mereıtoıy aıasynda «Qurmanǵazy jáne Uly dala sazy» atty halyqaralyq festıval ótkizip jatyr, dep habarlaıdy QazAqparat tilshisi QR Mádenıet jáne sport mınıstrliginiń baspasóz qyzmetine silteme jasap.
Mádenıet jáne sport mınıstrliginiń uıymdastyrýymen shara 30 qyrkúıek pen 2 qazan aralyǵynda ótedi.
«Rýhanı jańǵyrý» baǵdarlamasy aıasynda uıymdastyrylyp otyrǵan is-sharaǵa «ıÝNESKO» shtab-páterinen, «Túriksoı» uıymynan, Reseı Federatsııasynan arnaıy ókilder, jaqyn jáne alys shet elderdiń jetekshi dástúrli oryndaýshylary, Qyrǵyzstan, Reseı, Ózbekstan Respýblıkalarynyń óner ujymdary jáne elimizdiń «akademııalyq» dárejesi bar orkestrleri qatysady», delingen habarlamada.
3 kúnge sozylatyn is-shara aıasynda «Dástúrli óner - jahandaný áleminde» taqyrybynda forým, respýblıkamyzdyń, jaqyn shet elderdiń kúıshilik mektebi maıtalmandarynyń kontserti, respýblıkamyzdyń, jaqyn shet elderdiń ult aspaptar orkestrleriniń kontserti, orkestrler sherýi, Memlekettik syılyqtyń laýreaty, sýretshi Shahan Mahanbetov pen tanymal foto tilshi Rafhat Halelovtiń «Kúı jáne kúıshi» atty foto kórmesi jáne tanymal dástúrli oryndaýshylardyń shyǵarmashylyq kontserti ótedi.
