Qurmanǵazy orkestri «Qazaqkontsert» ǵımaratyna kóshti
Orkestr Qazaqstan Respýblıkasy Mádenıet jáne sport mınıstriniń 2018 jylǵy 17 sáýirdegi №07-03-19/3562 buıryǵyna sáıkes qonys aýdaryp otyr.
Osyǵan oraı búgin Qurmanǵazy orkestrin saltanatty túrde «Qazaqkontsert» ǵımaratyna kóshirýge baılanysty Mádenıet jáne sport mınıstrliginiń vıtse-mınıstri Aqtoty Raıymqulovanyń qatysýymen orkestr ujymy jáne zııaly qaýym ókilderimen jıyn ótti.
«Mádenıet jáne sport mınıstrliginiń atynyn orkestr ujymyn jańa ǵımaratymen quttyqtaımyz. Bul tarıhı sát «Rýhanı jańǵyrý» baǵdarlamasy aıasynda jáne kúı atasy Qurmanǵazy babamyzdyń 200 jyldyq mereıtoıyna qarsańyna tuspa-tus kelip otyr. Bul memleketimizdiń mádenıet pen ónerge jasaǵan qarqorlyǵy. Endi orkestr ujymynan joǵary deńgeıdegi shyǵarmashylyq jetistikter kútemiz», - dedi ol.
Óz kezeginde Qazaqstannyń halyq artısi, Memlekettik syılyqtyń laýreaty izgi tilegin bildirdi.
«Kóptegen elderde gastroldik saparda boldym. Orkestrdiń jańa ǵımaratqa ornalasýy orkestrdiń óz tuǵyryna qonǵan sáti dep esepteımin. Qazaq óneriniń órkendeýine, dástúriniń bir sátke tolastamaýyna bárimiz qyzmet etýimiz kerek. Orkestr óziniń bıiginen túspesin. Qazaq ónerine osyndaı múmkindik jasap jatqan Mádenıet jáne sportmınıstrligine alǵysymyz sheksiz», - dedi ol.
Sonymen birge, orkestrdiń kóshýine oraı Qazaqstannyń halyq artısi, Memlekettik syılyqtyń laýreaty Altynbek Qorazbaev ta orkestr ujymyna sátilik tiledi. Al Qurmanǵazy orkestriniń dırektory Nurǵısa Daýeshov ujym atynan Elbasyna, Mádenıet jáne sport mınıstrline alǵysyn aıtty.
«Qurmanǵazy orkestri elimizdiń kásibı mýzyka tarıhyndaǵy tuńǵysh orkestr. 1934 jyly akademık Ahmet Jubanovtyń bastaýymen quryldy. Orkestr tarıhynda Shamǵon Qajyǵalıev, Nurǵısa Tilendıev, Roza Baǵlanova, Ermek Serkebaev, Bıbigúl Tólegenova, Qarshyǵa Ahmedııarov, Tuıaqberdi Shámelov, Nurǵalı Núsipjanov, Altynbek Qorazbaev syndy elimizge belgili óner tulǵary qyzmet etti. Babalarymyzdyń jolymen óner ujymy «Qazaqkontsert» ǵımaratyna ornalasyp jatyr. Úlken kontserttik zal orkestr ujymyna tyń serpilis, shyǵarmashylyq damý alyp keledi degen senimdemiz. Ulttyq ónerimizge osyndaı jaǵdaı jasap jatqan Elbasymyzdyń saıasatyn qoldaı otyryp, qazaq óneriniń damý jolyndaǵy eńbegimiz jemisti bolsyn», - dedi Nurǵısa Daýeshov.
