Qurmanǵazy men Pýshkınniń súıisip turǵan posterine túbegeıli qarsymyn - B. Qojaqov
ASTANA. QazAqparat - Qurmanǵazy men Pýshkınniń súıisip turǵan posterine túbegeıli qarsymyn. Bul pikirdi búgin «Qazaqstandyq jarnama kompanııalary alıansy» qaýymdastyǵynyń dırektory Bolat Qojaqov málim etti.
«Men bul posterge túbegeıli qarsymyn. Árkimniń óz ómirine qatysty quqyǵy bar. Sondyqtan da bireýdiń ómirine qol suǵyp, onyń beınesin kez kelgen keıipte beıneleýge bolmaıdy», - dedi ol BAQ ókilderine.
Onyń atap ótýinshe, Qurmanǵazy men Pýshkınniń súıisip turǵany beınelengen poster múldem zańsyz.
«Súıisip turǵan beıneńdi qatty qalap tursań óziniń ǵalamtor portalyńa sal. Alaıda tanymal adamdardy ǵana emes, tipti kez kelgen basqa adamnyń beınesin paıdalanýǵa múldem bolmaıdy», - dedi ol.
Esterińizge sala keteıik, Almaly aýdandyq sotyna Qurmanǵazy atyndaǵy ulttyq konservatorııanyń ujymy Havas Worldwide Kazakhstan jarnama agenttiginiń ústinen Qurmanǵazy men Pýshkınniń súıisip turǵan posterine baılanysty aryz túsirgen bolatyn. Onda oqý orny ujymy agenttikten 34 mln. teńge, sondaı-aq respýblıkalyq BAQ arqyly kópshilikten keshirim suraýyn talap etken. Sot eldiń abyroıyn taptaǵan posterdi jarııalaǵan Havas Worldwide Kazakhstan jarnama agenttigine 34 mln. teńge moraldyq shyǵyn óteý jazasyn kesken edi.
