Qurmanǵazy aýdanynda zańsyz balyq aýlaýshylar azaımaı otyr - Atyraý
ATYRAÝ. QazAqparat - Reseı Federatsııasymen shekaralas jatqan Qurmanǵazy aýdanynda balyq qoryna zańsyz qol suǵýshylyqpen kúres jalǵasýda, dep habarlaıdy QazAqparat tilshisi.
«Qurmanǵazy aýdany polıtsııa bólimi qyzmetkerleri aýdandyq orman sharýashylyǵy jáne janýarlar dúnıesin qorǵaý ınspektsııasymen birge Teńiz okrýginde 102 keli balyqty tárkiledi. Usaq balyqtar memlekettik belgisi joq esh qujatsyz 2 mototsıklge tıelgen 4 polıetılen qapta bolǵan. Zańsyz balyq aýlaýmen aınalysqan jergilikti turǵyndar 1967,1978,1983 jyly týǵan azamattarǵa qatysty QR ÁQBtK-niń 383 baby 3 bólimi boıynsha ákimshilik hattama toltyryldy», - dep habarlady Atyraý oblystyq Polıtsııa departamentinen.
Aıta ketelik, jalpy jyl basynan beri aýdanda tirkelmegen 6 motokólik tárkilengen.
