Qurmanǵazy atyndaǵy Ulttyq óner konservatorııasynyń stýdentteri ardagerlerge arnap kontsert berdi
ALMATY. Mamyrdyń 8-i. QazAqparat /Erbol Azanbek/ - Búgin Qurmanǵazy atyndaǵy Qazaq ulttyq konservatorııasynyń óner ujymy ardagerlerge arnap merekelik kontsert uıymdastyrdy,
dep habarlaıdy QazAqparat.
Qazkommertsbank pen Almaly aýdanynyń ákimdigi, Ulttyq konservatorııa ujymy birlesip uıymdastyrǵan merekelik kontsertti 300-ge jýyq ardager tamashalady. Shara barysynda konservatorııa stýdentteri Uly Otan soǵysy týraly spektakl qoıyp, maıdan ánderin shyrqady. Túrli ulttardyń bılerin bılep, kesh sońynda ardagerler qaýymyna azyq-túlik salynǵan syıqaltalar syıǵa tartyldy. Shara barysynda ádemi kesh áser etken ardagerlerdiń ózderi de sahnaǵa shyǵyp, óleń oqydy. Almaly aýdany ákiminiń orynbasary Nadejda ıAkovlevanyń aıtýynsha, 2 saǵattyq kontserttiń basty maqsaty ardagerler qaýymyna jaqsy kóńil-kúı syılaý. «Erteńgi mereke búkil álem úshin eń aıtýly kúnderdiń biri. Sondyqtan ony jaqsy kóńil-kúımen qarsy alý, ardagerlerdi qurmetteý paryz», deıdi ol.
