Qurmanǵazy atyndaǵy konservatorııanyń kishi zalyna Ahmet Jubanovtyń esimi berildi

Búgin osyǵan oraı konservatorııa qabyrǵasynda saltanatty shara ótti.

«Búgingi sharanyń basty maqsaty - elimizdiń mádenı ómirindegi eń iri, aıtýly tulǵany eske alyp, qurmet kórsetý. Ahmet Jubanov elimizdegi kásibı mádenı bilimniń negizin salýshy, búgingi kishi zalǵa onyń esimin berýimizdiń de úlken sebebi bar. Meniń oıymsha, onyń rýhy jas talanttardy oqytýǵa kómek beretin sııaqty», -dedi sharany ashqan Qurmanǵazy atyndaǵy Ulttyq konservatorııanyń rektory J.Áýbákirova.

Ahmet Qýanuly Jubanov - akademık, Qazaqstannyń asa kórnekti mádenıet qaıratkeri. Qazaqtyń kásibı mýzykasynyń, qazaqtyń kompozıtorlyq mektebiniń negizin salýshy, Qurmanǵazy atyndaǵy qazaq halyq aspaptary orkestrin qurýshy, alǵashqy jetekshisi, konservatorııanyń rektory (1945-1951jj), qazaqtyń halyq mýzykasyn zertteýshi, «Zamana bulbuldary», «Ǵasyrlar pernesi» atty kitaptardyń avtory.

Esterińizge sala keteıik, akademıktiń týǵanyna bıyl 105 jyl tolyp otyr.