Qurmanǵazy atyndaǵy Qazaq ulttyq konservatorııasynyń sımfonııalyq orkestri AQSh-ta kontsert qoıady
; ALMATY. Qarashanyń 7-si. QazAqparat /Erbol Azanbek/ - Qurmanǵazy atyndaǵy Qazaq ulttyq konservatorııasynyń sımfonııalyq orkestri qarashanyń 13-24 aralyǵynda arnaıy kontserttik baǵdarlamamen AQSh-qa barady,
dep habarlaıdy QazAqparat konservatorııanyń baspasóz qyzmetine silteme jasap.
Konservatorııa orkestri álemdiń eń úzdik sahnalarynyń biri - Nıý-Iorktegi Karnegı hollda, Vashıngtondaǵy Kennedı ortalyǵynda, sonymen qatar Los-Andejeles, San-Frantsısko, Boston qalalarynda kontsert beredi.
Osy kúnderi Nıý-Iorkte Qazaq-amerıkan ınvestıtsııalyq forýmy ótedi. Konservatorııa orkestriniń Karnegı holdaǵy kontserti osy forýmnyń bir bóligi bolmaq. Bir ereksheligi, orkestrdiń AQSh-qa saparyn Plasıdo Domıngo, Anna Netrebko, Valerıı Gergıev syndy álem juldyzdarynyń kontsertterin uıymdastyrýshy «IMG Artists» prodıýserlik ortalyǵy uıymdastyrǵan. Kontsert barysynda orkestr P.Chaıkovskıı, S.Rahmanınov, L.Bernstaın jáne qazaqtyń ulttyq shyǵarmalaryn oryndamaq.
