Qurmanǵazy atyndaǵy halyq aspaptar orkestrine «ulttyq» mártebesi berildi

NUR-SULTAN. QazAqparat - Qurmanǵazy atyndaǵy memlekettik akademııalyq halyq aspaptar orkestri «ulttyq» mártebesine ıe boldy, dep habarlaıdy QazAqparat.

Bul jóninde orkestrdiń baspasóz qyzmeti málimet taratty.

«Qazaqstan Respýblıkasy Prezıdentiniń Jarlyǵyna sáı̆kes «Mádenıet týraly» 2006 jylǵy 15 jeltoqsandaǵy QR Zańynyń 21-babynyń 1-tarmaǵy boı̆ynsha QR Mádenıet jáne sport mınıstrliginiń «Qurmanǵazy atyndaǵy Qazaq memlekettik akademııalyq halyq aspaptar orkestri» respýblıkalyq memlekettik kásiporny «ulttyq» mártebesine ıe boldy. Bul qýanyshty jańalyqty Mádenıet jáne sport mınıstri Aqtoty Rahmetollaqyzy jetkizdi. Barlyq áriptesterimizdi jáne Ulttyq mártebege ıe bolǵan óner oshaqtaryn qýanyshty jańalyqpen quttyqtaı̆myz. T ól ónerimizdi damytýdaǵy eńbegimiz jana bersin» delingen konservatorııanyń Instagram paraqshasynda.

Eske sala keteıik, munyń aldynda Muhtar Áýezov atyndaǵy Qazaq akademııalyq drama teatry «Ulttyq» mártebesine ıe bolǵanyn jazǵan bolatynbyz.