Qurmanǵazy orkestriniń Ulttyq dombyra kúnine arnalǵan kontsertterin 2000-nan astam adam tamashalady
ASTANA. KAZINFORM — Qurmanǵazy atyndaǵy Qazaq ulttyq halyq aspaptar orkestri Ulttyq dombyra kúnine arnalǵan kontserttik baǵdarlamasyn kórermenge usynyp keledi.
Búgin Almaty qalasyndaǵy Ortalyq saıabaqta jáne MEGA Alma-Ata saýda oıyn-saýyq ortalyǵynda ótken kontsertterge 2000-nan astam adam jınaldy.
Merekelik kesh kórkin halyq kúıleri men ánderi jáne qazaqtyń kórnekti kompozıtorlarynyń tańdaýly shyǵarmalary asha tústi. Orkestrdiń oryndaýynda «Kóńil ashar», «Ata tolǵaýy», «Mahambet», «Balbyraýyn», «Adaı», «Saryarqa», «Sarjaılaý», «Ásem qońyr», «Kóroǵly», «Bozingen» jáne qazaqtyń dástúrli mýzyka óneriniń san qyryn tanytatyn ózge de týyndylar shyrqaldy.
Kontsertke Abaı atyndaǵy Qazaq ulttyq opera jáne balet teatrynyń solısi Nurǵalym Amanbaı, dástúrli ánshi Jaına Baýyrjanqyzy, ánshiler Ashat Úrpekov pen Arýjan Alpyspaeva, sondaı-aq Ardaq Itekeeva qatysty.
Orkestrge Qazaqstannyń eńbek sińirgen qaıratkeri Jeksen Aısyn men halyqaralyq jáne respýblıkalyq baıqaýlardyń laýreaty Naryn Qajǵalı dırıjerlik etti.
Ulttyq dombyra kúnine arnalǵan merekelik kontsertter legi erteń MEGA Alma-Ata saýda oıyn-saýyq ortalyǵynda ótetin qorytyndy keshpen aıaqtalady.
Aıta ketelik ıÝNESKO Qazaqstan halqyn Dombyra kúnimen quttyqtaǵan edi.
