Qurmanǵazy atyndaǵy konservatorııa QS álemdik reıtınginde úzdik 100 uıymnyń qataryna endi
ASTANA. KAZINFORM – Qurmanǵazy atyndaǵy Qazaq ulttyq konservatorııasy QS álemdik reıtınginde úzdik 100 uıymnyń qataryna endi. Bul týraly Mádenıet jáne aqparat mınıstrligi habarlady.
QS World University Rankings by Subject 2026 pándik reıtıngisi boıynsha, Qurmanǵazy atyndaǵy Qazaq ulttyq konservatorııasy «Oryndaýshylyq óner» baǵyty boıynsha TOP-100-ge enip, 51–100 oryndar dıapazonynda baǵalandy.
Bul – álemdik jańa reıtıngilik kórsetkishte Qazaqstan úshin eń jarqyn nátıjelerdiń biri ári otandyq mýzykalyq bilim berý salasyndaǵy mańyzdy jetistik.
QS World University Rankings by Subject 2026 pándik reıtıngisin halyqaralyq QS Quacquarelli Symonds taldaý agenttigi jarııalady. Bıylǵy reıtıngige Qazaqstannan 13 ýnıversıtet usynylǵan.
Qurmanǵazy atyndaǵy Qazaq ulttyq konservatorııasy pándik reıtıngige alǵash ret qatysyp, óz baǵyty boıynsha birden álemniń úzdik 100 joǵary oqý ornynyń qataryna enip otyr. Bul ulttyq oryndaýshylyq mekteptiń joǵary áleýetin, kásibı mamandar daıarlaýdyń sapasyn jáne qazaqstandyq kásibı mýzykalyq bilim deńgeıiniń halyqaralyq arenada moıyndalýyn aıqyndaıdy.
Aıta keteıik, QS Quacquarelli Symonds halyqaralyq taldamalyq agenttigi QS World University Rankings by Subject 2026 pándik reıtıngin jarııalady. Bıyl Qazaqstannyń joǵary oqý oryndary óz pozıtsııalaryn nyǵaıtyp, Ortalyq Azııa boıynsha tarıhı rekord ornatty.
