Qurmanbek Aqjol Azııa chempıonatynda eki altyn medal jeńip aldy
ASTANA. KAZINFORM — Qazaqstandyq aýyr atlet Qurmanbek Aqjol Azııa rekordyn jańartty, dep habarlaıdy Qazaqstannyń aýyr atletıka federatsııasynyń baspasóz qyzmeti.
Otandyq sportshylar Ózbekstandaǵy aýyr atletıka dodasynda joǵary nátıjeler kórsetýdi jalǵastyryp keledi. Bul joly erler dıvızıony ózin eń joǵary deńgeıde kórsetti. Qurmanbek Aqjol erekshe kózge túsip, qos saıys qorytyndysy boıynsha tarıhı Azııa rekordyn ornatty jáne eki altyn medal jeńip aldy.
— 85 kelige deıingi salmaq dárejesinde Azııa chempıony Azııa qurlyǵy elderiniń myqty qarsylastaryn, onyń ishinde ótken jyldardaǵy álem chempıondaryn senimdi túrde artta qaldyrdy. Akjol salmaǵy 198 keli ziltemirdi kóterdi — bul onyń óz salmaǵynan 2,5 ese artyq. Osy kóterilisimen sportshy Azııanyń myqty atletteri arasyndaǵy altyn medaldar úshin tartysqa senimdi núkte qoıyp, óz esimin álemdik aýyr atletıka tarıhyna máńgilikke jazdy! — delingen habarlamada.
Aıta keteıik, sportshy jeke jattyqtyrýshysy Nurbolat Jamanqyzdyń jetekshiligimen jattyǵady.
Osyǵan deıin Tórehan Asanhan aýyr atletıkadan Azııa chempıonatynda kúmis júldege ıe bolǵanyn jazǵanbyz.
