Qurlyqtyq xokkeı lıgasy Ryspaevqa jekpe-jek oıyndaryna qatysýǵa keńes berdi
ASTANA. QazAqparat - Qurlyqtyq xokkeı lıgasynyń prezıdenti Dmıtrıı Chernyshenko "Barystyń" burynǵy oıynshysy Damır Ryspaevtyń aıybyn jeńildetýge qatysty óz pikirin bildirdi, dep xabarlaıdy QazAqparat tilshisi.
"Endi, bala bir nárseni búldirse, ony ata-ana ǵana keshire alady. Tártiptik keńes bolsa, Damır Ryspaevty lıga oıyndarynan ómir baqı shettetýdi uıǵardy. Sebebi "Kýnlýnmen" bolǵan matchta ol durys istemedi. Onyń áreketi Halyqaralyq xokkeı federatsııasynyń da, Qurlyqtyq xokkeı lıgasynyń da talaptaryna qaıshy. Sol kezdegi jekpe-jekterdi xokkeı ónerine qyzyǵýshylyqty arttyratyn dástúrli jekpe-jekterge jatqyzýǵa bolmaıdy. Ony múldem basqasha baǵalaǵan durys. Ol óziniń ónerin basqa lıgalarda kórsete alady. Bilýimshe, bul jerde Fights Nights jekpe-jekteri ótedi. Oǵan saı keletin qarsylastar tabylsa, óz ónerin muzda emes, aralas jekpe-jekte kórsetse bolady. Al osy oıynshynyń qazirgi tártibin eskersek, onyń jazasyn jeńildetýge eshqandaı sebep joq dep oılaımyn" , - dedi Chernyshenko búgin Astanada ótken baspasóz máslıxatynda.
Aıta keteıik, Búgin elordada Qurlyqtyq xokkeı lıgasy men "Barys" klýby arasynda juldyzdar aptasyn ótkizý týraly kelisimge qol qoıyldy . Osyǵan oraı, Astanaǵa QHL prezıdenti Dmıtrıı Chernyshenko keldi.
Lıga basshysy Qazaqstannan ekinshi klýbty qabyldaýǵa qatysty óz oıyn da bildirdi.
