Qurlyqtyq hokkeı lıgasynyń jańa prezıdenti saılandy
NUR-SULTAN. QazAqparat - Qurlyqtyq hokkeı lıgasy prezıdenti qyzmetine burynǵy belgili hokkeıshi Alekseı Morozov saılandy, dep habarlaıdy QazAqparat tilshisi.
Bul qyzmetti 2014 jyldyń qańtar aıynan bastap atqaryp kelgen Dmıtrıı Chernyshenko endi eńbek jolyn saıasat salasynda jalǵastyrady. Ol Reseı Federatsııasy Úkimeti tóraǵasynyń orynbasary qyzmetine taǵaıyndaldy.
A.Morozov budan buryn Jastar hokkeı lıgasynyń basqarýshy dırektory bolǵan edi. Ol qyzmetinde de jańa basshy kelgenge deıin qalady.
A.Morozov 1977 jyly dúnıege kelgen. Kásibı sporttyq ǵumyrynda Reseıdiń «Krylıa Sovetov», «Ak Bars», TsSKA jáne AQSh-tyń « Pıttsbýrg Pıngvınz» klýbynda oıyn kórsetken.
