Qurlyqtyq hokkeı lıgasynyń kezekti maýsymy bastaldy
ASTANA. 4 qyrkúıek. QazAqparat - Búgin Qurlyqtyq hokkeı lıgasynyń kezekti altynshy chempıonaty resmı túrde ashylady.
Bıylǵy maýsymdy ótken chempıonatta fınalǵa shyqqan «Dınamo» (Máskeý) jáne «Traktor» (Chelıabi) komandalary ashady. Olar «Lýjnıkı» sport kesheninde taǵy bir márte kezdesip, kúsh synasyp kórmek. Osy matchpen Qurlyqtyq hokkeı lıgasynyń kezekti altynshy chempıonaty resmı túrde ashylady.
Al qyrkúıektiń 8-i kúni astanalyq «Barys» hokkeı klýby alǵashqy oıyndy «Severstal» komandasymen ótkizedi. Bul match Astanadaǵy «Qazaqstan» sport kesheninde ótpek.
Aıta keteıik, bıylǵy maýsymda «Barystyń» barlyq oıyndaryn «Qazsport» arnasy kórsetetin bolady.
