Qurlyqtyq hokkeı lıgasynyń qalǵan bóligi ótpeıtin boldy
NUR-SULTAN. QazAqparat - Qurlyqtyq hokkeı lıgasynyń qalǵan bóligi ótkizilmeıtin boldy. Bul sheshim álemdi alańdatyp otyrǵan COVID-19 dertiniń órshýine baılanysty qabyldandy, dep habarlaıdy QazAqparat tilshisi lıga saıtyna silteme jasap.
Qazirge deıin pleı-off satysynyń jartylaı fınal oıyndary ótkizildi. Al jartylaı fınal keıinge shegerilgen bolatyn.
Sheshim oıynshylar, jankúıerler, klýb qyzmetkerleri jáne ózge de azamattardyń qaýpsizdigi úshin qabyldanǵan. Bul sheshimdi qabyldaý úshin tıisti mamandarmen keńes júrgizildi. Nátıjesinde mamandar tarapynan osyndaı uıǵarym jasaldy.
Koronavırýs dertiniń jaǵdaıyna baılanysty birqatar klýbtar jarysty jalǵastyrýdan bas tartty. Olardyń qatarynda Fınlıandııanyń «Iokerıt» jáne qazaqstandyq «Barys» komandalary bar.
Sondaı-aq, derttiń órshýinen keıbir sheteldik hokkeıshiler Reseı aýmaǵyna kelýden bas tartty.
