Qurlyqtyq hokkeı lıgasynyń bıylǵy jabylý saltanaty ótpeıdi
NUR-SULTAN. QazAqparat - Qurlyqtyq hokkeı lıgasynyń bıylǵy jabylý saltanaty ótkizilmeıtin boldy, dep habarlaıdy QazAqparat lıganyń resmı saıtyna silteme jasap.
Bul shara bıylǵy jyldyń mamyr aıynyń sońyna josparlanǵan bolatyn.
Uıymdastyrýshylar koronavırýs pandemııasyna baılanysty saltanatty sharadan bas tartty.
«Buǵan deıingi jyldary jabylý saltanattaryna 1 myńǵa tarta qonaq qatysqan bolatyn. Bıyl da sondaı adam keledi dep kútildi. Sondyqtan azamattar densaýlyǵyn saqtaý maqsatynda osyndaı sheshim qabyldaýǵa týra keldi», - dedi Qurlyqtyq hokkeı lıgasynyń prezıdenti Alekseı Morozov.
Esterińizge sala keıik, elordalyq «Barys» qurlyqtyq hokkeı lıgasynyń pleı-off kezeńinde Reseıdiń «Metallýrg» (Magnıtogorsk) komandasyn orta jolda qaldyryp ketti. Odan keıin koronavırýs ınfektsııasyna baılanysty jartylaı fınalda Reseıdiń «Sıbır» komandasymen oınamaıtyn boldy.
