Qurlyqtyq hokkeı lıgasynyń aldaǵy maýsymy qashan bastalatyny jarııa etildi
NUR-SULTAN. QazAqparat - Qurlyqtyq hokkeı lıgasynyń 2020/2021 jylǵy kezeńi bastalatyn merzim anyqtaldy, dep habarlaıdy QazAqparat tilshisi lıga saıtyna silteme jasap.
Qurlyqtyq hokkeı lıgasy aldaǵy maýsym 2020 jyldyń 2 qyrkúıeginde bastalady dep josparlap otyr. Bul merzim Reseı hokkeı federatsııasymen kelisilgen. Jylma-jyl dúbirli dodaǵa reseılik jáne ózge de elderdiń komandalary qatysyp keledi. Sondyqtan jańa maýsymnyń bastalýy sol elderdegi koronavırýs ınfktsııasyna baılanysty epıdemıologııalyq jaǵdaıǵa tikeleı qatysty.
Esterińizge sala ketelik, atalǵan týrnırdiń 2019/2020 jylǵy kezeńi pleı-off satysynyń jartylaı fınalynda toqtatyldy. Elordalyq «Barys» shırek fınalda Magnıtogorskiniń «Metallýrg» komandasyn orta jolda qaldyryp, jartylaı fınalǵa joldama alǵan edi. Degenmen qaterli indettiń taralýyna baılanysty oǵan qatysýdan bas tartty.
