Qurlyqtyq hokkeı lıgasy: «Barystyń» búgingi oıynyn qaıdan kórýge bolady
NUR-SULTAN. QazAqparat - «Barys» búgin, 5 qyrkúıekte qurlyqtyq hokkeı lıgasyndaǵy kezekti oıynynda elordada Reseıdiń «Metallýrg» (Magnıtogorsk) komandasyn qabyldaıdy, dep habarlaıdy QazAqparat tilshisi.
Bul oıyn elorda ýaqytymen 17.00-dt bastalady. Kezdesý «Qazsport» telearnasynan tikeleı efırde kórsetiledi.
Eki komanda búginge deıin 52 márte sheberlik baıqasty. Onyń 18-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Aıta keterligi, elordalyq klýb atalǵan komandamen ótkizgen sońǵy eki kezdesýde ese jiberip qoıdy.
Eske salsaq, alǵashqy oıynynda 3 qyrkúıekte «Barys» elordada Reseıdiń «Salavat ıÝlaev» klýbyna 1:5 esebimen ese jiberdi.
Al «Metallýrg» Ekaterınbýrgte jergilikti «Avtomobılıst» klýbynan 6:2 esebimen basym tústi.
Qurlyqtyq hokkeı lıgasynyń turaqty kezeńi 1 qyrkúıekte bastaldy. Ol 2022 jyldyń 1 naýryzynda máresine jetedi. Odan keıin týrnırdiń pleı-off satysy bastalady.
