Qurlyqtyq hokkeı lıgasy: «Barys» «Iokerıtten» jeńilip qaldy
NUR-SULTAN. QazAqparat - «Barys» Qurlyqtyq hokkeı lıgasyndaǵy kezekti oıynynda syrt aıdynda Fınlıandııanyń «Iokerıt» (Helsınkı) komandasyna jol berdi, dep habarlaıdy QazAqparat tilshisi.
Kezdesý asa tartysty órbidi. Oıynnyń 3-mınýtynda elordalyq hokkeıshi Nıkıta Mıhaılıs esep ashty. Al 26-mınýtta fınlıandııalyq Nıklas Iensen tarazy basyn teńestirse, 31-mınýtta ol óz komandasyn alǵa shyǵardy. Kezdesýdiń 38-mınýtynda Mett Frettın mergendik tanytty.
Negizgi kezeń 2:2 esebimen aıaqtalyp, oıyn overtaımǵa ulasty. Jeńimpaz býllıten anyqtaldy. Bul sátte Esse Ioensýý kózdegen nysanadan múlt ketken joq.
Osylaısha «Barys» qarsylasyna býllıten 2:3 esebimen jol berdi.
Eki komanda búginge deıin 13 márte sheberlik baıqasty. Onyń jeteýi «Barystyń» basymdyǵymen aıaqtalsa, qalǵanynda latvııalyq klýbtyń mereıi ústem boldy.
Qazaqstandyq klýb endi 21 qyrkúıekte elordada Reseıdiń TsSKA (Máskeý) komandasymen kezdesedi.
