Qurlyqtyq hokkeı lıgasy: «Barys» «Sochı» komandasyn jeńdi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada «Sochı» komandasyna qarsy ótkizdi, dep habarlaıdy QazAqparat tilshisi.
Kezdesýdi qos komanda belsendi bastady. Alǵashqy sátte reseılik klýb hokkeıshileri «Barys» qaqpasy mańynda jıi boı kórsetti.
Birinshi kezeńniń 4-mınýtynda olardyń qatarynan Kırıll Petkov «Sochı» komandasyn alǵa shyǵardy. Odan keıin qazaqstandyq klýbtan Álıhan Ásetov 9, Roman Savchenko 14-mınýttarda mergendik tanytty.
Ekinshi kezeńde ıAkob Lılıa 29, 39-mınýttarda qos goldyń avtory atandy.
Úshinshi kezeńde de aıdyn ıeleri basymdyqty arttyrdy. Nátıjesinde «Barys» hokkeıshisi Kırıll Savıtskıı 49-mınýtta kózdegen nysanadan múlt ketken joq. Al reseılik klýbtan 59-mınýtta ıAnıs ıAks qorytyndy esepti belgiledi.
Osylaısha «Barys» qarsylasynan 5:2 esebimen basym tústi.
Qazir «Barys» 37 oıynnan keıin 36 upaımen týrnır kestesinde 20-orynnan 18-orynǵa kóterildi.
Endi elordalyq klýb kelesi kezdesýin elordada 10 jeltoqsanda Qytaıdyń «Kýnlýn Red Star» komandasyna qarsy ótkizedi.
Eske salsaq, «Barys» budan buryn Reseıde «Ak Bars» (Qazan) komandasynan basym tústi.
