Qurlyqtyq hokkeı lıgasy: «Barys» Reseıde «Spartaktan» basym tústi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn búgin Reseıde «Spartak» (Máskeý) klýbyna qarsy ótkizdi, dep habarlaıdy QazAqparat tilshisi.

Eki komanda buǵan deıin 27 márte kezdesti. Onyń 10-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Búgingi kezdesýdi máskeýlik hokkeıshiler belsendi bastady. Nátıjesinde 4-mınýtta olardyń qatarynan Zahar Arzamastsev mergendik tanytty. Bul kezeńde elordalyq klýbtan Nelson Noje men Mıhaıl Grıgorev dóreki minez krsetip, eki mınýttyq aıyppen jazalandy.

Ekinshi kezeńde «Spartak» sapynan eki hokkeıshi osyndaı jazaǵa tartyldy. Degenmen ony qazaqstandyq klýb óz paıdasyna jarata alǵan joq.

Úshinshi kezeńde oıyn basynan «Barystyń» basymdyǵy baıqaldy. Aldymen 40-mınýtta Djeremı Brakko tarazy basyn teńestirse, 45-mınýtta Arkadmı Shestakov elordalyq klýbty alǵa shyǵardy. Al 53-mınýtta Egor Petýhov jeńis shaıbasyn soqty.

Osylaısha «Barys» qarsylasynan 3:1 esebimen basym tústi.

Endi «Barys» aldaǵy eki oıynyn elordada ótkizedi. Aldymen 2 qazanda «Sochı» komandasyn qabyldasa, 4 qazanda «Neftehımıkpen» sheberlik baıqasady.

Eske salsaq, budan buryn «Barys» Reseıde «Lokomotıvten» basym tústi.