Qurlyqtyq hokkeı lıgasy: «Barys» Reseıde «Avangardpen» kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Avangard» (Omby) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 22:30-de bastalyp, «Qazsport» telearnasynan tikeleı efırde kórsetiledi.
Eki komanda búginge deıin 60 márte sheberlik baıqasty.
Onyń 22-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
«Barys» bıylǵy týrnırdiń sońǵy alty kezdesýiniń ekeýinde jeńiske jetip, qalǵanynda qarsylastaryna ese jiberip qoıdy.
Al «Avangard» tórt oıynnyń úsheýinde jeńiske jetti.
Aıta ketsek, qazaqstandyq klýb budan buryn Reseıdiń «Ak Bars» (Qazan) komandasynan 3:6 esebimen jeńilip qaldy.
Al «Avangard» Reseıdiń «Avtomobılıst» (Ekaterınbýrg) komandasyna 3:1 esebimen jol berdi.
Qazir «Barys» 16 oıynnan keıin 14 upaımen týrnır kestesinde 18-orynda keledi. Al «Avangard» 16 upaımen 13-orynda tur.
