Qurlyqtyq hokkeı lıgasy: Barys overtaımda Sochı komandasynan basym tústi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Astanada búgin Reseıdiń «Sochı» klýbyna qarsy ótkizdi, dep habarlaıdy QazAqparat tilshisi.

Kezdesý barysynda komandalar oıynnyń negizgi kezeńinde 4:4 esebimen teń tústi. Negizgi kezeńde elordalyq klýbtan Anton Sagadeev, Djeremı Brakko, Entonı Lýıs, Lınden Veı mergendik tanytty. Oǵan reseılik klýbtan Nıkıta Zorkın, Nıkıta Pıvtsakın bir-birden, Nıkıta Popýgaev eki golmen jaýap qaıyrdy.

Overtaımda Lınden Veı soqqan gol «Barysqa» jeńis alyp keldi. Osylaısha elordalyq klýb qarsylasyn overtaımda 5:4 esebimen tize búktirdi.

Eki komanda bıyl 9 qyrkúıekte Reseıde kezdesip, onda «Sochı» 6:3 esebimen basym tústi.

Endi aldaǵy oıynyn 4 qazanda elordada Reseıdiń «Neftehımık» (Nıjnekamsk) komandasyna qarsy ótkizedi.

Aıta ketsek, eki komanda buǵan deıin 17 márte kezdesti. Onyń 10-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.