Qurlyqtyq hokkeı lıgasy: «Barys» máskeýlik «Spartakqa» ese jiberdi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Spartak» (Máskeý) komandasyna qarsy ótkizdi, dep habarlaıdy QazAqparat tilshisi.
Kezdesý basynda qazaqstandyq komandanyń basymdyǵy baıqalyp turdy. Reseılik klýb qaqpasy aldynda jıi shabýyl uıymdastyrdy. Nátıjesinde 7-mınýtta Nıkıta Mıhaılıs elordalyq ujymdy alǵa shyǵardy. Al 11-mınýtta taǵy bir qazaqstandyq Egor Petýhov esepti ústemeleı tústi.
Ekinshi kezeńde tizgindi reseılik hokkeıshiler tarazy basyn teńestirdi. Aldymen 33-mınýtta Aleksandr Hohlachev mergendik tanytty. Al 39, 49-mınýttarda Iorı Lehterıa kózdegen nysanadan múlt ketken joq. Al 51-mınýtta Dmıtrıı Kýgryshev «Spartaktyń» basymdyǵyn arttyrdy. Reseılik Aleksandr Nıkıshın 52-mınýtta qorytyndy esepti belgiledi.
Osylaısha «Barys» qarsylasyna 2:5 esebimen ese jiberdi. Osylaısha qazaqstandyq klýb tórtinshi oıyn qatarynan jeńiske jete almaı keledi.
Endi «Barys» kelesi oıynyn 20 qarashada Reseıde «Severstal» (Cherepovets) komandasyna qarsy ótkizedi.
Eske salsaq, qazaqstandyq klýb budan buryn Reseıde «Sochı» komandasyna ese jiberdi.
