Qurlyqtyq hokkeı lıgasy: «Barys» Máskeýdiń «Dınamo» komandasymen kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn syrt aıdynda Reseıdiń «Dınamo» (Máskeý) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 22:30-da bastalyp, «Qazsport» telearnasynan tikeleı efırde kórsetiledi.
Eki komanda búginge deıin 27 márte sheberlik baıqasty.
Onyń 11-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
«Barys» budan burynǵy bes kezdesýdiń tórteýinde «Dınamo» komandasyna ese jiberip qoıdy.
2021 jyldyń 21 qańtarynda Máskeýde ótken kezdesýde «Barys» 2:1 esebimen jeńgen bolatyn.
Aıta ketsek, elordalyq klýb budan buryn Magnıtogorskiniń «Metallýrg» komandasynan 3:4 esebimen jeńilip qaldy.
Al «Dınamo» Qytaıdyń «Kýnlýn Red Star» komandasynan 5:3 esebimen basym tústi.
Aıta keteıik, «Barys» 11 oıynnan keıin 10 upaımen týrnır kestesinde 18-orynda keledi. Al «Dınamo» 20 upaımen 1-orynda tur.
