Qurlyqtyq hokkeı lıgasy: «Barys» Magnıtogorskiniń «Metallýrgine» jol berdi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn syrt aıdynda Reseıdiń «Metallýrg» (Magnıtogorsk) komandasymen ótkizdi, dep habarlaıdy QazAqparat tilshisi.
Oıyn barysynda qazaqstandyq komanda alǵashqy mınýttarda basymdyq kórsetti.
Nátıjesinde 5-mınýtta Kertıs Valk esep ashsa, Mett Frettın 23-mınýtta esepti ústemeleı tústi.
Budan keıin reseılik komandadan Nıkıta Korostelev 24-mınýtta esep aıyrmasyn qysqartsa, 27-mınýtta «Barys» hokkeıshisi Kodı Kýnık taǵy da basymdyqty arttyrdy.
Kelesi kezekte «Metallýrg» sapynan Andreı Chıbısov 39, Artem Zemchenok 42-mınýttarda qos shaıba soǵyp, tarazy basyn teńestirdi.
Al 51-mınýtta Brendan Laıpsık «Metallýrg» komandasyn alǵa shyǵardy.
Kezdesýde «Barys» qarsylasyna 3:4 esebimen ese jiberdi.
Eske salsaq, budan buryn eki komanda búginge deıin 53 márte sheberlik baıqasty. Onyń 18-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Endi «Barys» 1 qazanda Reseıde «Dınamo» (Máskeý) komandasymen kezdesedi.
