Qurlyqtyq hokkeı lıgasy: «Barys» elordada «Iokerıtke» ese jiberdi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Fınlıandııanyń «Iokerıt» (Helsınkı) komandasymen ótkizdi, dep habarlaıdy QazAqparat tilshisi.
Kezdesý barysynda fınlıandııalyq komanda belsendilik tanytty. Nátıjesinde birinshi kezeńde olardyń qatarynan Kalle Kossıla 16, Nıklas Iensen 19-mınýttarda mergendik tanytty.
Nıklas Iensen ekinshi kezeńniń 28-mınýtta esepti ústemeleı tússe, qazaqstandyq Nıkıta Mıhaılıs 42-mınýtta kózdegen nysanadan múlt ketken joq. Oıynnyń núktesin 59-mınýtta fınlıandııalyq Marko Anttıla qoıdy.
Osylaısha «Barys» qarsylasyna 1:4 esebimen ese jiberdi.
Endi «Barys» aldaǵy oıynyn elordada Reseıdiń «Traktor» (Chelıabınsk) komandasyn qabyldaıdy.
Eske salsaq, buǵan deıin eki komanda búginge deıin 14 márte sheberlik baıqasty. Onyń 7-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
