Qurlyqtyq hokkeı lıgasy: «Barys» elordada «Traktorǵa» ese jiberdi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Traktor» (Chelıabınsk) komandasymen ótkizdi, dep habarlaıdy QazAqparat tilshisi.
Eki komanda arasyndaǵy kezdesý tartysty órbidi. Esepti alǵash bolyp 14-mınýtta elordalyq komandadan Mett Frettın ashqan edi. Degenmen birinshi kezeńniń sońyna taman 19-mınýtta reseılik klýbtan Albert ıArýllın men Vıtalıı Kravtsov eki shaıba soǵyp ketti.
Ekinshi kezeńde qazaqstandyq klýb basymdyǵyn arttyra tústi. Nátıjesinde 27, 30-mınýttarda qazaqstandyq Nıkıta Mıhaılıs mergendik tanytty. Atalǵan kezeńniń sońǵy mınýttarynda reseılik klýbtan qatarynan eki hokkeıshi aıdynnan qýyldy. Oıynshylar sany basymdyǵyn «Barys» hokkeıshileri paıdalana alǵan joq.
Úshinshi kezeńde reseılik klýb tarazy basyn teńestirýge umtylǵan edi. Esesine Nıkıta Mıhaılıs 47-mınýtta kezdesý barysynda het-trıktiń avtory atanyp, «Barystyń» basymdyǵyn arttyra tústi. Al «Traktor» sapynan Sergeı Kalının 53, Sergeı Telegın 55-mınýtta gol soǵyp, tarazy basy teńesti. Oıyn overtaımǵa ulasty. Overtaımda «Traktordyń» joly boldy. Osylaısha «Barys» qarsylasyna 4:5 esebimen ese jiberdi.
Endi «Barys» aldaǵy oıynyn 16 qarashada Reseıde «Sochı» komandasyna qarsy ótkizedi.
Eske salsaq, budan buryn elordalyq klýb Fınlıandııanyń «Iokerıt» komandasyna ese jiberdi.
