Qurlyqtyq hokkeı lıgasy: «Barys» elordada «Sıbır» komandasymen kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Sıbır» (Novosibir) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 17:00-de bastalyp, Qazsport telearnasynan tikeleı efırde kórsetiledi.
Eki komanda búginge deıin 45 márte sheberlik baıqasty. Onyń 17-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
«Barys» budan elordada Máskeýdiń TsSKA komandasyna overtaımda 1:2 esebimen jeńilip qaldy.
Al «Sıbır» Novosibirde Magnıtogorskiniń «Metallýrg» komandasyna 1:3 esebimen jol berdi.
Aıta keteıik, «Barys» bıyl budan burynǵy jeti kezdesýdiń nebári ekeýinde jeńiske jetti. Týrnır kestesinde 20-orynda keledi. Al «Sıbır» 8 upaımen 22-orynda tur.
