Qurlyqtyq hokkeı lıgasy: «Barys» elordada «Neftehımıkke» ese jiberdi
NUR-SULTAN. QazAqparat - Búgin astanalyq «Barys» Qurlyqtyq hokkeı lıgasyndaǵy kezekti oıynyn elordada Reseıdiń «Neftehımık» (Nıjnekamsk) komandasyna qarsy ótkizdi, dep habarlaıdy QazAqparat tilshisi.
Birinshi kezeńde komandalar bir-biriniń qaqpasyna shabýylǵa kóbirek shyqty. Degenmen qaqpadan sańylaý taba alǵan joq.
Ekinshi kezeńde reseılik komanda sapynan Mıhaıl Sıdorov 37-mınýtta kózdegen nysanadan múlt ketken joq. Odan keıin Aleksandr Sevostıanov 47-mınýtta «Neftehımıktiń» basymdyǵyn arttyra tústi. Al 50-mınýtta «Barys» hokkeıshisi ıAkob Berglýnd mergendik tanytty. Budan keıin qazaqstandyq klýb tarazy basyn teńestirýge umtyldy.
Sońǵy mınýttarda «Barys» qaqpashyny altynshy oıynshyǵa almastyrdy. Bos qaqpaǵa reseılik hokkeıshiler gol soǵyp ketti.
Osylaısha elordalyq klýb qarsylasyna 1:3 esebimen ese jiberdi.
«Barys» endi kelesi oıynyn 21 jeltoqsanda Reseıde «Avtomobılıst» (Ekaterınbýrg) komandasyna qarsy ótkizedi.
Eske salsaq, budan buryn elordada «Sochı» komandasynan basym tústi. Osylaısha qatarynan tórt márte jeńiske jetken bolatyn.
