Qurlyqtyq hokkeı lıgasy: «Barys» elordada «Avtomobılıspen» kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Avtomobılıst» (Ekaterınbýrg) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.
Eki komanda búginge deıin 36 márte sheberlik baıqasty. Onyń 23-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
«Barys» budan elordada Reseıdiń «Sıbır» komandasyn overtaımda 2:1 esebimen basym tústi.
Al «Avtomobılıst» Ekaterınbýrgte Chelıabınskiniń «Traktoryna» býllıtten 1:2 esebimen jol berdi.
Aıta keteıik, «Barys» bıyl budan burynǵy segiz kezdesýdiń nebári úsheýinde jeńiske jetti. Týrnır kestesinde 18-orynda keledi. Al «Avtomobılıst» 12 upaımen 10-orynda tur.
