Qurlyqtyq hokkeı lıgasy: «Barys» elordada «Avangardty» qabyldaıdy
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Avangard» (Omby) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.
Eki komanda búginge deıin 59 márte sheberlik baıqasty.
Onyń 20-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
«Barys» bıylǵy týrnırdiń sońǵy alty kezdesýiniń ekeýinde jeńiske jetip, qalǵanynda qarsylastaryna ese jiberip qoıdy.
Al «Avangard» alty oıynnyń úsheýinde jeńiske jetti.
Aıta ketsek, elordalyq klýb budan buryn Reseıdiń «Lokomotıv» (ıAroslavl) komandasynan 3:4 esebimen jeńilip qaldy.
Al «Avangard» Reseıdiń «Avtomobılıst» (Ekaterınbýrg) komandasyna 2:5 esebimen jol berdi.
Qazir «Barys» 13 oıynnan keıin 10 upaımen týrnır kestesinde 20-orynda keledi. Al «Avangard» 12 upaımen 17-orynda tur.
