Qurlyqtyq hokkeı lıgasy: «Barys» elordada «Ak Barsqa» ese jiberdi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Ak Bars» (Qazan) komandasymen ótkizdi, dep habarlaıdy QazAqparat tilshisi.
Kezdesý barysynda reseılik hokkeıshiler sátti oıyn ótkizdi. Birinshi kezeńde olardyń qatarynan Krıstıan Henkel 4-mınýtta esep ashsa, 5-mınýtta Dmıtrıı Kagarlıtskıı esepti ústemeleı tústi.
Oǵan elordalyq klýbtan ıAkýb Bertlýnd 6-mınýtta bir golmen jaýap qaıyrdy.
Ekinshi kezeńde reseılik klýbtan Nıkolaı Kovalenko - 23, Kırıll Panıýkov - 27, Denıs Zarıpov 31-mınýttarda mergendik tanytsa, 38-mınýtta Dmıtrıı Kagarlıtskıı atalǵan kezdesýdegi ekinshi shaıbasyn soqty.
Al «Barys» sapynan Valerıı Orehov 30-mınýtta kózdegen nysanadan múlt ketken joq.
Úshinshi kezeńde elordalyq Egor Shalapov 41-mınýtta shaıba soǵyp, esep aıyrmasyn qysqartty.
Dese de, budan keıin tablodaǵy esep ózgerissiz qaldy.
Kezdesýde «Barys» qarsylasynan 3:6 esebimen jeńildi.
Endi «Barys» aldaǵy oıynyn 13 qazanda Reesıde «Avangard» (Omby) komandasyna qarsy ótkizedi.
Eske salsaq, budan buryn «Barys» qatarynan ekinshi ret jeńiske jetken bolatyn.
