Qurlyqtyq hokkeı lıgasy: «Barys» TsSKA komandasynan basym tústi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn syrt aıdynda Reseıdiń TsSKA (Máskeý) komandasymen ótkizdi, dep habarlaıdy QazAqparat tilshisi.
Kezdesý barysynda reseılik klýb tizgindi óz qolyna alýǵa tyrysty. Nátıjesinde olardyń qatarynan Nıkıta Nesterov 10, Anton Slepyshev 12-mınýttarda qos shaıba soǵyp ketti.
Ekinshi kezeńde qazaqstandyq klýb hokkeıshileri tarazy basyn teńestirýge umtyldy. Oıynnyń 30-mınýtynda Kertıs Valk esep aıyrmasyn qysqartty.
Úshinshi kezeńde «Barys» hokkeıshileri alǵa qaraı umtyldy. Aldymen 41-mınýtta ıAkob Berglýnd tarazy basyn teńestirse, odan keıin Darren Dıts 42, 43-mınýtta kózdegen nysanadan múlt ketken joq.
Al 44-mınýtta TsSKA oıynshysy Matveı Gýskov «Barys» qaqpasynan sańylaý tapty. Oıynnyń 50-mınýtynda qazaqstandyq Álıhan Ásetov basymdyqty arttyrsa, 59-mınýtta ıAkýb Lılıa qorytyndy esepti belgiledi.
Osylaısha «Barys» qarsylasyn 6:3 esebimen jeńdi.
Endi elordalyq klýb 16 qyrkúıekte syrt aıdynda Latvııanyń «Dınamo» (Rıga) komandasymen kezdesedi.
Eki komanda búginge deıin 25 márte sheberlik baıqasty. Onyń jeteýi «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Eske salsaq, týrnırdiń elordada ótken bıylǵy alǵashqy tórt oıynynyń úsheýinde «Barys» qarsylastaryna esep jiberip qoıdy.
