Qurlyqtyq hokkeı lıgasy: «Barys» TsSKA komandasymen kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn syrt aıdynda Reseıdiń TsSKA (Máskeý) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 22.30-da bastalyp, «Qazsport» telearnasynan tikeleı efırde kórsetiledi.
Eki komanda búginge deıin 25 márte sheberlik baıqasty. Onyń jeteýi «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Aıta keterligi, elordalyq klýb atalǵan komandamen ótkizgen sońǵy kezdesýde qarsylasyna ese jiberdi.
Eske salsaq, týrnırdiń bıylǵy alǵashqy eki oıynynda elordada 3 qyrkúıekte «Barys» Reseıdiń «Salavat ıÝlaev» klýbynan 1:5, «Metallýrg» (Magnıtogorsk) klýbynan 1:2 esebimen jeńildi.
Odan keıin «Amýr» (Habarovsk) komandasynan 3:2 esebimen basym tústi. Tórtinshi oıynynda reseılik taǵy bir klýb «Spartak» (Máskeý) komandasyna 1:4 esebimen jol berdi.
Qurlyqtyq hokkeı lıgasynyń turaqty kezeńi 1 qyrkúıekte bastaldy. Ol 2022 jyldyń 1 naýryzynda máresine jetedi.
Odan keıin týrnırdiń pleı-off satysy bastalady.
