Qurlyqtyq hokkeı lıgasy: «Barys» búgin «Iokerıt» komandasymen kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Fınlıandııanyń «Iokerıt» (Helsınkı) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.
Eki komanda búginge deıin 14 márte sheberlik baıqasty. Onyń 7-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Eki komanda arasyndaǵy sońǵy alty kezdesýdiń úsheýinde qazaqstandyq klýb jeńiske jetti.
«Barystyń» bıylǵy týrnırdiń sońǵy alty kezdesýiniń ekeýinde joly boldy, qalǵanynda qarsylastaryna ese jiberip qoıdy.
Al «Iokerıt» sońǵy alty kezdesýdiń úsheýinde qarsylastaryn tize búktirdi.
Eske salsaq, qazaqstandyq klýb budan buryn Reseıdiń «Amýr» (Habarosk) komandasynan basym tústi.
Al «Iokerıt» Reseıdiń «Sıbır» (Novosibir) komandasyn 2:0 esebimen tize búktirdi.
Qazir «Barys» 25 oıynnan keıin 23 upaımen týrnır kestesinde 17-orynda keledi. Al «Iokerıt» 36 upaımen 5-orynda tur.
